kvað við höfðum gott

Við höfum farið í skrímslabuzz og höfðum það gott litla fjölskyldan á Kjalarnesi. BB, GKB og HKB. Við mamma höfðum byggt sumt það sem ég fékk í jólagjöf. Ég bjó til búðing og við erum búin að hafa það mjög gott hjá okkur. Gleðileg jól. Jólakveðja Guðni Kristinn .

Gleðileg Jól

Sælar systur og aðrir lesarar

 

Hér kemur jólakveðja úr Írabakkanum. Jólin hér eru búin að vera afslöppuð og yndisleg. Ég var að vísu að vinna bæði aðfangadag og jóladag. Gunnar stóð yfir pottunum og undirbjó kvöldið og var árangurinn mjög góður, æðisleg sveppasúpa í forrétt, hamborgarahryggur og meðlæti í aðalrétt og svo toblerone frauð í eftirrétt ásamt ís. NAMMI NAMM

.

Gunnar tengdapabbi og Þóra kona hans og Magnús sonur hennar voru hjá okkur og var það mjög gaman. Þau fóru svo um níu leytið heim því að Magnús var orðin svo spenntur í að opna pakkana. Gunna Viktoría og Skjöldur Orri komu svo í heimsókn síðar um kvöldið. Allir fengu góðar gjafir og fékk ég þennan fína tölvuskjá frá Gunnari - ég gerði mér ekki grein fyrir hvað hinn var orðin hryllilega lélegur, ætli ég breytist ekki endanlega í tölvusjúkling en það er gott að vera búin að fá skjáin fyrir greinina sem ég þarf að semja í hjúkrunarblaðið ( mamma verður ekki sú eina sem skrifar í blöð!!). Í morgun er ég búin að liggja í afslöppun og lesa Óreiðu á Striga sem Ást gaf mér í jólagjöf - sú bók er ekkert síðri en fyrri bókin Karítas. Ásthildur er að koma heim frá pabba sínum og ætlar Adda vinkona hennar að koma í heimsókn og fara á snjóþotu. Rakel kemur svo í kvöld eða á morgun og verður líklega fram á nýtt ár. Adrian Ari er í Póllandi og kemur ekki heim fyrr en 8 janúar.

En ég er komin í frí fram á nýtt ár - hef aldrei fengið svona mikið frí um jólin og ætla sko að njóta þess. Ég verð að mestu heima hjá mér ef einhver vill kíkja í heimsókn og t.d. spila.

kveðja HRönn

Gleðileg jól

Við óskum ykkur öllum gleðilegra jóla og farsældar á komandi ári.

Ef þið smellið á krækjuna hér að neðan sjáið þið mig og álfana mína.  

http://www.elfyourself.com/?id=1725604589 

Jólakveðja

Af Kjalarnesi

Sú stutta fór í nýjan kjól í morgun og þeir frændur klæddu sig upp í jakkafötin og áttu í löngum umræðum hvort að þeir ætluðu að setja gel í hárið eða ekki. Ég hafði ekki áttað mig á því að því fylgdu kostir og gallar. Ef gel er sett í hárið er hægt að móta það eins og hver vill, setja hanakamb eða bara vera töffari en gallinn er sá að  þá þarf maður að fara í sturtu og þvo sér um hárið því að það verður dálítið hart og klístrað ef gelið verður gamalt. Það varð úr að annar er með gel í hárinu en hinn ekki. Það er mjög gott þegar svona ungir piltar meta kosti og galla áður en ákvarðanir eru teknar. Það held ég að sé holt veganesti.
 Eftir að allir voru komnir í sín fínustu föt þá var haldið af stað og kíkt á jólaball í Klébergsskóla. Voru börnin til fyrirmyndar, sungu og dönsuðu í kringum vel skreytt tré. Ja reyndar vildi sú yngsta ekki dansa sjálf en tók þátt sitjandi á örmum mínum, seig vel í á 13. lagi. Hún hefur sungið vel eftir að við komum heim.
En við teljum niður í jólin og allt að verða klárt, það er að segja það sem verður að vera klárt. Hér á bæ er forgangsraðað vegna mikillar vinnu og veikinda í desember og eru rólegheit nú síðustu daga tekin framyfir mjög mikla tiltekt og búðarráp. Þeim sem vilja staldra við er bent á grein eftir eina úr fjölskyldunni í Bændablaðinu.. bls. 8.
Kveðja Bára

Geiri er vinnudagurinn hjá þér svona?

........................gaaaaaaammmmmaaaaaannnnn......

Jólafrí jólafrí...

allavega frá námi. Reyndar er lífið stanslaust nám en formlegu námi

 lokið þessa önnina... og frí -- frí --- frí skollið á.

 

 

 

Kveðja Bára

 

Nám - mútur - Nám

Sælar

 Best að láta aðeins í sér heyra annað en jólagjafalista (- stelpur mínar ef ég kaupi gjafirnar í ár þá verður það ekki eitthvað af listunum -) .

Við höfum það nokkuð gott hérna á Kjalarnesinu. Reyndar stakk flensan sér niður hér og er Hrafnhildur Katrín búin að vera meira og minna veik þennan mánuðinn. Hún er komin á meðalaskammt við lúngabólgunni og er ég að reyna nýtt ráð sem kallast öðru nafni MÚTUR. Það er nefnilega svo erfitt að koma ofan í hana meðalinu. Nýja tæknin er sú að súkkulaði er sett á borðið og henni boðið það eftir meðalaskammtinn. Gekk ágætlega en varð reyndar að gefa henni meðalið í tveimur skömmtum í gærkveldi og gaf henni súkkulaðið í hálfleik. Nú í kvöld var sú stutta sneggri en mamman og nappaði súkkulaðinu meðan ég var að hella meðalinu í skeiðina... í stuttumálisagt fékk hún 5 bita af súkkulaðinu og næstum allt meðalið ....
Guðni Kristinn sér um að allir skór séu í gluggum og sér um súkkulaðidagatölin á morgnana. Hann hneykslast á krökkum sem halda að mæður gefi í skóna. Hann vill fá plastasjon 3 (lesið eins og skrifað - ísl. framburður) í jólagjöf en eftir smá rabb komumst við að því að það væri sniðugra að fá eitthvað ódýrara og borga lánið af húsinu (kostar nefnilega jafn mikið). Hann heyrði líka í fréttum af manni sem eyddi svo miklum pening í spilakassa að hann varð að selja húsið sitt. Hann ætlar frekar að kaupa hús en að spila svona mikið í spilakössum þegar hann verður fullorðinn. Það gladdi mitt móðurhjarta.
Vegna veikinda og annarra LÖGlega afsakanna fór Báran aðeins út af sporinu í náminu og varð í fyrsta sinn á ævinni að biðja um frest á verkefnaskilum. Það reyndist henni mjög erfitt en eins og góður vinur sagði: "Bára það er hollt að vera kærulaus"og reyni ég eftir fremsta megni að fara eftir þeim heillaráðum. Það reyndist ekki vera vandamál að fá frest og er síðasta verkefni annarinnar óðum að mótast í tölvunni og leið og ég ýti á send takkann (föstudag/laugardag) þá fer ég í langþrátt jólafrí. Próf og önnur verkefni hafa gengið ljómandi vel.

 Myndavélin mín er afskaplega leiðinleg og er ég nánast hætt að nenna að taka myndir - sem er nú synd því að alltaf eru börnin mín jafnfalleg en ég gafst upp á að taka mynd af þeim nýklipptum til að skreyta bloggfærsluna..

Hafið það gott

kv. Bára

jólagjafaóskalistinn minn

Hæhæ

Hér er jólagjafaóskalistinn minn:

Geisladiskar:

Leg - Flís
The Hope - Sign
Complete Clapton - Eric Clapton

Spil:

Bíóbrot - eftir Sveppa
Clue

DVD:

Hairspray

Simpsons The Movie

Stardust

Síðan langar mig í helling af bókum, ég nenni ekki að skrifa þær allar hér en mig langar helst í spennu- og glæpasögur t.d. eftir Yrsu eða Arnald.

Mig langar líka í hvítan trefil í stíl við húfuna mína og vettlingana og svona lítið spariveski sem hægt er að taka með sér í jólaboð o.fl. en annars er það ekki mikið fleira sem mig dettur í hug. Endilega finnið bara einhvað frumlegt og flott til að gefa mér

Kv. Gróa Rán

Jólaóskalistinn hennar Ásthildar

Hæ allir

Mig langar í jólagjöf

Bleikan og svartröndóttan glimmerkjól sem fæst í debenhams (innskot frá móður eiginleg síð peysa og númer 7)

Sjóræningja lepp fyrir augun

langa jólasveinahúfu og jólasveinahúfu með fléttum

Hello kitty peysu og hello kitty buxur og líka hello kitty sokka

Sleði eins og í toys R us, gull sleði með mjúku til að sitja á og stýri, til að leika sér í snjónum

læknisdót, doru tölvu, brats tölvuleik og einhvern eye toy geimverudýraleik, doru spil og pet shop og þá er það komið

kveðja Ásthildur

 

p.s bætt við síðar um daginn Hello kitty bangsi

 

Systraferð og fleira

Sælar systur.  Langt síðan ég bloggaði síðast. Lífið hefur nú bara gengið sinn vanagang hér á Írabakkanum nema kannski þessa viku. Hún er búin að vera frekar óvenjuleg. Á þriðjudaginn vorum ég og Gunnar búin að vera saman í 10 mánuði og eyddum við deginum í rúminu,,,,,,,,, ekki eins rómantískt og það hljómar, lágum sofandi með skúringafötu sitthvoru meginn. Langt síðan ég hef orðið svona lasin. Ásthildur er búin að vera með kvef og hósta og er búin að vera heima frá skóla mesta hluta vikunnar. EN á miðvikudaginn voru bara verkjatöflur bruddar og farið yfir í Jörfabakkann og þrifið - hann var svo afhentur í gær, borgaður eftir kaupsamning þannig að þá er ég laus við hann. Voða ánægð að vera bara með eina íbúð.

En nú er komin tími á skipulagningu fyrir jólin .. og þar sem engin virðist vera komin með skipulagstillögur verð ég bara að taka þær að mér. Allir þurfa að fara að senda inn óskalista um hvað þeim langar í jólagjöf (sumir búnir af því ) og við þurfum svo að fara að ákveða hver kaupir hvað og hvenær!!!!!

Dagar sem ég er í fríi fram að jólum og Ásthildur heima við og við komust í systraferð eru:

miðvikudagur 12 des (ást búin í skóla 13:20),

  Miðvikudagur 19 des (ást en í skóla - sennilega búin 13:20).

Síðan er ég í fríi 18 des en þá förum við mæðgur í klippingu og er svo ekki 2 ára afmæli.

Ég er svo í frí helgina fyrir jól en þá er Ásthildur hjá pabba sínum. - ok ég hélt að ég ætti nú fleiri frí daga en getum við ákveðið annaðhvort miðvikudaginn. Ég er svo á morgunvöktum fullt af dögum og þá búin hálf fjögur - fjögur, þeir dagar kæmu til greina sem vara.

En það sem ég er komin með á jólagjafalistann minn eru

Bækur (langar í framhaldið af Karitas án titils) en helst vil ég bara kiljur þær taka miklu minna pláss og eru ódýrari.

Mig vantar húfu, vettlinga og trefil

Hárblásara - minn þoldi ekki flutning yfir í Írabakkann

Mig langar í svona undir diska og bretti (eins og ég fékk einu sinni)

Mig langar í body lotion eitthvað milt

Ég væri alveg til í jólaóróa frá georg jensen - ég á tvo 2001 og 2005

Ég þarf svona lyklahús (Gunnar er stundum pirraður yfir hvað ég þarf að leita oft að lyklum)

Síðan vantar mig föt og úlpu, kápu en ætli það sé ekki best að ég máti það sjálf.

Svo væri nú hægt að gefa mér eitthvað útilegu dót , myndir á veggi (HALLA),  geisladiska, dvd, náttborð og að sjálfsögðu er alltaf hægt að gefa mér skemmtileg spil. t.d. risk eða eitthvað annað.

kveðja Hrönn